秋冬乾燥遇爆拆 你真係識得護膚？

秋冬季節，身痕、面痕、手痕，全部都係因為乾燥？明明已經全面進入咗冬天護膚Mode，點解都係覺得肌膚緊繃，甚至爆拆！原來，護膚同護膚大不同，以為自己嗰套護膚法寶一定啱使？未必！

護膚Tips總係有好多，邊啲先係真？

1. 等到肌膚乾裂，出現問題時先搽潤膚膏就太遲了

預防勝於治療，如果預計天氣會轉凍變得乾燥，要盡早做好滋潤工夫，抵抗寒冷侵襲。

2. 一日搽一次潤膚膏？唔夠！

戶外，室內冷氣房等會導致肌膚水分流失，搽多幾次先可以確保肌膚得到保護同滋潤。不過搽潤膚膏的時候要輕輕塗抹，不要搽得太厚，避免出現堵塞毛孔，引致油脂、暗瘡等問題。

3. 要為自己精挑細選有香味嘅潤膚膏？

每個人皮膚狀況不同，部份人搽上含香料成份嘅潤膚膏，可能令皮膚受到刺激，另外，皮膚敏感嘅話要避免使用含有防腐劑嘅產品！

4. 為咗保留水分，沖涼應該沖耐啲？

洗澡時間最好是5至10分鐘，水温不能超過攝氏39度。但是，即使時間短，水温過高，也會使皮膚緊繃。最後，沖完涼應該立即搽上潤膚膏，因為呢個時候皮膚最易吸收，滋潤功效亦都可以發揮到最大。